Tystysgrif Dyslecsia Cyfeillgar

Sut mae ysgol yn dod yn ‘Gyfeillgar i Ddyslecsia’?

Mae ysgolion sy’n ennill y wobr yn dangos eu bod yn:

Codi ymwybyddiaeth a dealltwriaeth

Mae staff yn derbyn hyfforddiant ar ddyslecsia, strategaethau ymarferol yn yr ystafell ddosbarth, a ffyrdd o addasu addysgu i gefnogi disgyblion ag anawsterau llythrennedd.

Defnyddio arferion addysgu cynhwysol

Mae gwersi’n cynnwys dulliau sy’n cefnogi dysgwyr â dyslecsia, megis rhannu tasgau’n gamau, defnyddio dysgu aml-synhwyraidd, a chynnig ffyrdd amgen o ddangos dealltwriaeth.

Gweithio mewn partneriaeth â theuluoedd

Mae ysgolion yn rhannu gwybodaeth â rhieni ac yn croesawu adborth ar beth sy’n gweithio orau i’w plentyn.

Monitro a gwella

Mae ysgolion yn adolygu pa mor effeithiol yw’r strategaethau a ddefnyddir, ac yn cynllunio camau nesaf i gryfhau’r ddarpariaeth.

Mae hyn yn adlewyrchu canllawiau Gwasanaeth Cynhwysiant Caerdydd, sy’n hyrwyddo arferion sy’n gyfeillgar i ddyslecsia ar draws ysgolion.

Beth mae hyn yn ei olygu i’ch plentyn?

Os yw ysgol eich plentyn wedi ennill Gwobr Ysgol Gyfeillgar i Ddyslecsia neu Ymwybyddiaeth Dyslecsia, mae hyn yn golygu:

• Bod athrawon yn ymwybodol o ddyslecsia ac wedi’u hyfforddi mewn strategaethau cefnogol,

• Bod cyfleoedd clir i gyfathrebu a chydweithio â’r ysgol ar gefnogaeth unigol.

• Bod diwylliant yr ysgol yn gwerthfawrogi gwahanol ffyrdd o ddysgu a meddwl.

  Sut gall rhieni a gofalwyr fod yn rhan o’r broses

  Gallwch chi fel rhiant neu ofalwr:

• Ofyn i’r ysgol am wybodaeth ynghylch eu gwobr a’u dulliau sy’n gyfeillgar i ddyslecsia.

• Darganfod pa strategaethau neu addasiadau penodol sy’n cael eu defnyddio i gefnogi’ch plentyn.

• Gofyn am gyfarfodydd i adolygu cynnydd a chefnogaeth eich plentyn.

• Rhannu eich profiadau a’ch syniadau am beth sy’n gweithio orau.