Llysgenhadon Lles

Pwy yw'r Llysgenhadon?

Amdan ein Pwyllgor Llysgenhadon Lles

Mae ein Pwyllgor Llysgenhadon Lles yn rhoi cyfle i ddisgyblion chwarae rhan weithredol wrth hyrwyddo a gwella lles ar draws cymuned yr ysgol.

Mae'r pwyllgor yn:

• Cynnwys cynrychiolwyr o Flwyddyn 1 i Flwyddyn 6, gan sicrhau bod pob grŵp oedran yn cael cyfle i leisio barn a chyfrannu syniadau.
• Cyfarfod unwaith bob hanner tymor.
• Trafod lles yn yr ysgol, rhannu syniadau a chynllunio ffyrdd o gefnogi iechyd, hapusrwydd a lles emosiynol pob disgybl.
• Paratoi Cynllun Gweithredu sy'n nodi eu blaenoriaethau a'u nodau ar gyfer y flwyddyn.
• Caiff y cynllun gweithredu hwn ei adolygu ym mhob cyfarfod er mwyn monitro cynnydd, dathlu llwyddiannau a chytuno ar gamau nesaf.

Pam mae pwyllgor lles sy'n cael ei arwain gan ddisgyblion yn bwysig?

Mae pwyllgor lles sy'n cael ei arwain gan ddisgyblion yn sicrhau bod barn a phrofiadau plant yn cael eu clywed a'u gwerthfawrogi. Trwy roi cyfle i ddisgyblion gyfrannu'n weithredol at hyrwyddo lles, maent yn datblygu sgiliau pwysig megis arweinyddiaeth, gwaith tîm, cyfathrebu a datrys problemau.

Mae'r pwyllgor hefyd yn helpu i:

• Hyrwyddo diwylliant ysgol cadarnhaol a chynhwysol.
• Annog disgyblion i gefnogi a gofalu am ei gilydd.
• Codi ymwybyddiaeth o les corfforol, meddyliol ac emosiynol.
• Adnabod materion sy'n bwysig i ddisgyblion.
• Grymuso plant i wneud gwahaniaeth cadarnhaol i'w cymuned ysgol.

Trwy waith y Pwyllgor Llysgenhadon Lles, mae ein disgyblion yn dysgu bod eu barn yn bwysig a'u bod yn gallu chwarae rhan allweddol wrth wneud Coed-y-Gof yn lle hapus, iach a chefnogol i bawb. 🌟