Beth yw Dysgu Drwy Ymholiad?

Dysgu drwy ymholiad 

Yn Ysgol Gymraeg Coed-y-Gof, credwn fod plant yn dysgu orau pan fyddant yn chwilfrydig, yn ymgysylltiedig ac yn chwarae rhan weithredol yn eu dysgu. Mae dysgu seiliedig ar ymholi yn rhoi'r disgybl wrth galon y broses ddysgu, gan eu hannog i ofyn cwestiynau, ymchwilio i syniadau, datrys problemau a myfyrio ar eu dealltwriaeth. Trwy brofiadau ystyrlon a dilys, mae disgyblion yn datblygu'r wybodaeth, y sgiliau a'r hyder sydd eu hangen i fod yn ddysgwyr uchelgeisiol, galluog gydol oes. 

 

Cylch Ymholi Kath Murdoch 

Rydym yn defnyddio Cylch Ymholi Kath Murdoch i gefnogi a strwythuro'r dysgu ar draws y cwricwlwm. Mae'r cylch yn arwain disgyblion drwy broses o: 

Cychwyn a Chysylltu (Tuning In) → Canfod Gwybodaeth (Finding Out) → Trefnu Syniadau (Sorting Out) → Mynd Ymhellach (Going Further) → Dod i Gasgliadau (Making Conclusions) → Gweithredu (Taking Action) → Myfyrio a Gwerthuso (Reflecting and Evaluating) 

 

Yn hytrach na derbyn gwybodaeth yn oddefol, caiff disgyblion eu hannog i archwilio, casglu tystiolaeth, meddwl yn feirniadol, rhannu eu dysgu a defnyddio eu gwybodaeth mewn cyd-destunau go iawn. 

 

Pam Rydym yn Defnyddio Ymholi? 

Mae'r dull ymholi yn ein helpu i greu profiadau dysgu sy'n berthnasol, ysgogol ac ystyrlon i'n disgyblion. Mae'n hyrwyddo: 

• Chwilfrydedd a mwynhad mewn dysgu 

• Meddwl creadigol a beirniadol 

• Annibyniaeth a gwytnwch 

• Sgiliau cyfathrebu a chydweithio effeithiol 

• Dealltwriaeth ddyfnach a chadw gwybodaeth yn well 

• Sgiliau datrys problemau mewn sefyllfaoedd bywyd go iawn 

 

Drwy ddilyn Cylch Ymholi Kath Murdoch, mae ein disgyblion yn dysgu nid yn unig beth i'w ddysgu, ond hefyd sut i ddysgu. Mae hyn yn eu helpu i ddatblygu'r hyder i ofyn cwestiynau, herio syniadau, gwneud cysylltiadau a gweithredu'n bwrpasol. 

 

"Mae rhyfeddu, cwestiynu, archwilio a myfyrio wrth wraidd y dysgu yn Ysgol Gymraeg Coed-y-Gof."